WHO‘s DBRAUNI?

👋 Über sich selba zum schreim des is schwer, a mal ganz ehrlich a jeder is vo sich überzeigt. O‘gfangt hobe mit‘m Mofa foahrn mit 15, also vor 42 Joahr. Oleg bin i old worn, jetz woas a jeder wia old i bin. Mofa Kreidler Flory, wer kennt de noh? Dann is a Herkl kumma Ultra RS 50. Dann mei ersts richtigs Moped XVZ 550 Yamaha. A boar Motorradln und a boar hunderttausend km, a mit Kaltverfornmungen, späder foahr i mei jetzigs Motorradl a KTM Duke 890r. 

KÜLOMETA

💪 I hoab im Joahr so a Kilometer Leistung round about 20000km mal a bisserl mehr mal a bisserl wenga, wias Wetter bast. Dad me als a bisserl Mopedverrückt bezeichnen, owa im positiven Sinn. Bei mir drad sehr sehr vuil ums Motorrad. Oana vom Stammtisch hoad sogt allaweil, willst woas übers Moped wissen frog an brauni. Moped is mei Leidenschaft.

WIA BIN I ZUM TOURENFOAHRN KUMMA

😉 Wollt nie in Italien Urlaub macha, herd ma ja allaweil so schauer g’schichtn, Mopeds klaud, Carabnieri dotal schlim usw… Katzlmacha hald. Des erste mal in de Dolomiten und am Gardasee und i woar voll infiziert. Mega soag i eich. Von doa oh san mir allaweil in Berch g’foahrn, Östereich, Italien, Slowenien Kroatien, Tschechien, Slowakei, Schweiz usw..

KURV´N UND KEHR´N

👉👍 Qwa doa gibt’s a vül zum lerna, Kurv’n und Kehr’n des moast scho kinna und wissen wia ma de o‘foahrd. Da braucht’s Übung und Erfahrung und man muas se a amal woas song lassen vo Leid die des kinna. Mir is doch a ned anders ganga, mi hoad a orna bei da Hend gnumma und hoad ma des zeugt. Siegst aus mir is a woas worn, denke a moal. Woar do mal mit oam in Frankreich der hoad nach 4 Doach Touren g’sagt, er her das Mopedfoahrn auf weil erm alles weh duad. Dann ham ma se zamgsetzt und mal g’schaut was er besser macha koan. –Seit dem lafft des bei erm wia am schnir und er is fast auf jeder Tour mit vo da Partie, herd ma nix mehr von wegen i her auf mir Mopedfoahrn. So geht’s a.

TRAINING GANZ WICHTIG

😇 Jo koaner is perferkt oder der/die Beste. Allaweil an sich owarn, des is de beste Lebensversicherung. Hoab a mal an Koll. g’habt, a Mopedfahrer. Der is bloß Rennstreck g’foahrn und i bloß Touren. I hoab nan üwaredt mid mir aTour zum foahrn, Gardasee, dafür bin i mid erm dann as Joahr drauf nach Most zum Rennstreckentraining ganga. De beste Entscheidung ever, leid woas i doa vo de Instruktoren g’lernt hoab, mega. Bissl abwandeln für Straß koannst des alles braucha, top. Für mei „Karriere“ als Tourenfahrer super. Nadürlich hoab i a Fahrertrainings beim Saxn di oder über BMW, mei Arbeitgeber, g’macht, konn i jeden nur empfehlen bringt echt woas.

TOUREN

😎 I organisier jetz seid mittlaweil ungefähr 25 Joahr Mopedtouren. Ob mit feste Hotels oder Rundtrips egal ganz nachdem woas ansteht. Für `23 z.B. habe a Tour an de Plitvicer Seen plant als Rundtour und nach Rumänien mit de Anhänger, Transfagarasan und Transalpina usw… ois is möglich. Schaut’s eich des neie Tourenprogramm o vielleicht is was dabei fiar eich, do auf da „Ideallinie“. Bloß um des an derer Stell nuamal zum erwähna, a Rennstreck koan i organisiern. Arbeit doa mit an Anbieter aus Mitteldeutschland zam der macht des ganz guad ohne Rennen, Training eben. Des is scho goar als Fahrer Sicherheitstraining auf abgesperrter Strecke ausgeschrieben, deshalb greift da normal scho goar de Vollkasko, des owa vorher mit seiner Versicherung klären.

STAMMTISCH 

😏 Viel vo meine Mitfohrer san bei uns im Motorradstammtisch. Koa Angst koa EV oder Verein ois ganz zwanglos und leger. Mia san seit ca. 20 Joahr a lockerer Haufn positiver Motorrad Verrückter de Spaß am Mopedfoahrn ham. Dreffa uns omal im Monad, ham unsern Spaß mit unsere G’schichten, plana unsere Touren und mache a privat efter mal woas mitanand (Grillen, Lagerfeier, halbe Bier drinka usw.). Unser Caseman is der mit da weitesten Anfahrt, 400km vom Bodensee. Klar koan ned imma kumma, owa er duad sei möglichstes. Da Rest vo uns kummt aus da Region Regensburg, Amberg und Schwandorf  in der Region finden a de Stammtische statt. Oh fast vergessen unsern Roland der kummt aus der Nähe Nürnberg a ganz fleißig bei der Teilnahme an de Stammtische.

GEPFLEGTE SCHRÄGLAGE

So meine lieben Freunde der gepflegten Schräglage, dad me wahnsinnig gfreia wene eich aufn G’schmack broacht häd und Ihr vielleicht an da ona oda andern Tour mitfoahrn dads. Werad sicher a riesen Spaß.

In dem Sinn allaweil a Hendbroad Teer unterm Vorderroaf und 
de lHzG d‘brauni✋